Diretór Ezekutivu FONGTIL, Daniel Santos do Carmo hatete, dekretu lei dala-ruma mós bele de'it aprova iha Konsellu Ministru, bainhira husu delegasaun kompeténsia ba Parlamentu Nasionál

Nia dehan, karik ida ne’e mak akontese, movimentu ne’e kontinua ezije hodi influensia oinsá mak bele fó presaun ba Parlamentu Nasionál hanesan reprezentante povu hodi rona.

“Iha parlamentu mós ita espera katak iha deputadu balun mós sei apoia ita-nia movimentu ne’e, ita fiar katak sira apoia movimentu ne’e, sira reprezenta duni povu no hatene duni dalan ka prosesu naruk ba libertasaun nasionál,” dehan Daniel, iha Kampu Manifestasaun, Liceu UNTL, horisehik.

Nia esplika, alterasaun kódigu penál ne’e ba dala neen (6), nune’e mós alterasaun ne’e la'ós ba artigu hotu-hotu, maibé altera de'it artigu balun ne’ebé iha difamasaun, ne’e mak sira altera.