Diretór ESJ 05 de Maio, Adelino Nikolau Ornai hatete, estudante husi ESJ 05 de Maio dadaun ne'e prontu ona atu tuir ezame nasional, tuir órariu ne'ebé fó sai ona.

Diretór dehan, ezame nasionál ba tinan ida ne'e sei realiza iha loron 16 to'o 19 no ezame lokal realiza iha loron 20 to'o 21 fulan Outubro 2023.

"Ami nia estudante prontu ona atu tuir ezame nasionál,” dehan Diretór iha nia knaar fatin Bekora, Kuarta (20/09).

Diretór ne’e afirma, husi dadus 710 ne'e, estudante husi Siensia Teknolojia (ST) hamutuk 389 no Siensia Sosiais Humanidade (CSH) hamutuk 231.

Enkuantu, konaba matéria ezame nasional no lokal nian, Diretór dehan, iha tinan ida ne'e materia aumenta tan lian tetun, nune'e materia ezame nasional hamutuk neen (6), ba Siensia Teknolojia materia, Mátemátika, Kímika, Biolojia, Portugés, inglés no tetun.

Entertantu, ba Siensia Sosias Humanidade materia, Portugés, inglés, tetun, jeografia, ekonómia no Sosiolojia.