Ho nune’e, iha tinan 2015 to'o 2023, ema ho defisiénsia hamutuk na’in 128 mak asesu ona ba iha edukasaun ensinu superior sira hanesan, iha Universidade Nasional Timor-Lorosa’e.
Nia dehan, husi númeru ne’e, iha na’in 89 mak remata ona sira nia estudu no na’in 39 dadauk ne’e hala’o hela sira nia estudu, tanba sira foin rejistu iha tinan 2022.
“Ema ho defisiénsia ne'ebé asesu ba edukasaun formal liu-liu ba iha Ensino Superior hamutuk 128, ne'ebé maioria asesu iha Universidade Nasional Timorosa'e (UNTL). Iha tinan ida ne'e, ami rejistu, ema ho defisiénsia na’in 39 mak asesu ba UNTL liu husi rejime espesial,”dehan nia iha Salaun MKI, kinta (21/09).
Nia haktuir, ema ho defisiénsia hirak ne’ebé asesu ona ba edukasaun ensinu superior kompostu husi defisiénsia matan no defisiénsia fiziku.
Enkuantu, ba defisiénsia tilun seidauk iha ema ida mak asesu ona ba ensinu superior.
Tanba ne'e, nia husu ba difisiente ne'ebé hala'o hela estudu iha UNTL, atu aproveita aportunidade ida ne'e hodi aprende diak liu tan.
