“Mais produtu importante ho nia valór ekonomia aas ne’e sei lori ba, hanesan kafé no nu’u, tuir regra no rekizitu,” dehan nia foin lalais.

Tuir nia, iha nasaun hotu-hotu maske sira-nia rai hasoru problema oioin maibé labele hein to’o prontu ona mak foin ba promove.

“Ita sai ba promove oinsá turista bele hatene Timor ne’e iha ne'ebé no nia furak no hahaan ne'e saida no nia ema-nia atitude ne’e hanusa, sira ne’e hotu presiza promove iha li'ur, tanba expo Dubai hanesan momentu no oportunidade esplora no promove nasaun  hotu nian, nune’e nasaun boot sira propoin tiha espasu sira ne'ebé mak boot hodi tau ba,” nia dehan.

Kona-ba montante orsamentu tokon $2 ne’ebé ema barak preokupa, asesor prinsipal ne’e dehan, haree husi ninia presepsaun, Dubai diferente ho exebisaun sira iha Sanghai, Milan, no fatin seluk tan.

“Tanba iha Dubai ne’e nia partisipasaun ho nia fatin boot ho nia kustu ne'ebé ass. Balun koalia dehan osan tokon $2.1 ne’e boot, hotu-hotu bele ko'alia maibé parte governu aprezenta haree ba kondisaun no nesesidade tuir Dubai,” nia esplika.