Xefe Governu haruka ona proposta ida ba Prezidente CNRT ne’e, maibé seidauk iha resposta ruma husi eis-Ministru Planeamentu no Investimentu Estratéjiku (MPIE) ne’e.

“Ha'u seidauk nomeia. Ha'u halo proposta, (no) irmaun Xanana simu duni proposta ne’e”, dehan Alkatiri, iha Palasiu Prezidensiál Ai-Tarak Laran, horisehik.

Tanba ne’e, kuandu Xanana simu duni ona proposta ne'ebé Alkatiri haruka ba, Xefe Governu sei propoin ba Prezidente Repúblika atu bele fó pose.

Fatin ne’ebé Governu prepara ba Xanana mak atu lidera autoridade projetu tasi mane nian.

Maski seidauk simu rezultadu ruma, maibé Alkatiri sei fó hela mensajen ba Ministru Adjuntu Primeiru Ministru ba Delimitasaun Fronteira Marítima, Hermenegildo Pereira, ne’ebé atu ba hasoru malu ho Xanana iha rai li'ur, atu bele tranzmite informasaun ne’e.