Bidasik ho kalma la’o sai husi kuartu laran atu ba dapur fui bee. Haree Bidasik, Bimeli halai ba hodi rasta Bidasik nia fuuk ba kotuk, buti nia kokorok no buti mós nia ibun. Bidasik ne’ebé hakfodak kahur ho nervozu tata bidasik nia liman-fuan ne’ebé tama iha nia ibun to’o kotu.

Tuir deklarasaun husi Bimeli iha Tribunal Distrital Dili (TDD), nia ba iha Bidasik nia uma tanba Bidasik hada’u nia laen, Maumaly (la’os naran loos).

“Derrepente de’it arguida halai tuir ba rasta ha’u-nia fuk ba kotuk, buti ha’u-nia kakorok, no arguida kontinua buti ha’u nia ibun, tanba ne’e mak ha’u tata nia liman-fuan parte karuk to’o kotu,” hatete Bidasik ba Tribunál, Tersa (04/04).

Haree ba Bimeli ho Bidasik rasta malu, Maumaly hakat ba lalais hodi sori nia feen na’in rua ne’e.

Maumaly ne’ebé mosu iha Tribunal nudar testamuña dehan ba Tribunál katak arguida ho lezada baku-malu tanba nia hola feto rua.

“Agora dadaun ne’e ha’u hela hamutuk ho feto ki’ik (Bidasik) tanba problema ne’e akontese arguida (Bimali) halai sees husi ha’u,” nia hatete.

Aundesia julgamentu ne’e Prezide husi Juiza Singular Ana Paula Fonseca, Ministériu Públiku reprezenta husi Prokuradór Bartolomeu, no arguida hetan asistensia legal husi Defensór Públiku Manuel Exposto.