Roza Amaral Vong, ne’ebé mós nu’udar eis Diretór Nasionál Tékniku MOP deklara ba tribunál katak, kompañia abandona projetu no traballadór Hospital Referénsia Baukau kabe ba kompeténsia ministériu saúde nian.

“Kona-ba pagamentu ba traballadór no sub-kontator sira ha’u la hatene, ne’e kompeténsia ba ministériu saúde ninian. Ami só apoiu de’it”, dehan nia, iha Tribunál Distritál Dili, horisehik.

Tuir akuzasaun husi Ministériu Públiku, iha fulan-Janeiru to’o Dezembru tinan 2007, ministériu saúde loke tenderizasaun ba konstrusaun Hospital Referénsia Baukau.

Orsamentu ba projetu konstrusaun montante tokon haat dolar amerikanu, ne'ebé manan na'in husi kompañia internasionál More Green husi Koreia Súl.

Konstrusaun obra ne’e foin atinji 4%, kompañia abandona abandona ona projetu. Maski nune’e, arguidu Francisco Borlako asina pedidu pagamentu ida hodi halo transferénsia pagamentu ba konta bankária privadu Leonito Freitas Belo no Américo Dias, la’ós ba kompañia More Green.

Audiénsia julgamentu ne’e prezide husi juis koletivu Eusébio Xavier, Jacinta Correia no Ana Paula Fonseca. Ministériu Públiku reprezenta husi prokuradora Lídia Soares