Tuir defeza  katak, agora dadaun ne’e Ministériu Públiku halo promosaun ba iha Tribunál katak, arguidu nain rua pratika aktu ne’ebé liga ba lei numeru 5/2016 lei arma branca nian.

Nia dehan, iha prosesu nia laran arguidu sira konfesa katak objektu sira ne’e arguidu sira nian duni, depois primeiru interogatoriu lao, iha despaixu arguidu  nain rua ne’e hetan hotu aprezentasaun periodika, maibé iha diferente mak arguidu ho inisial C aprezenta an iha eskuadra Polisia ne’ebé hela besik   fulan ida dala rua,maibé arguidu ho inisial V aprezenta an ba iha polisia eskuadra semana ida dala ida. 

Tuir  kronologia iha altura ne’eba katak, arguidu nain rua hanesan kandidatu ba estudante foun iha UNTL,iha loron 28 Janeiru arguidu sir aba Cek naran iha UNTL, maibé ema ataka  ba sira nain rua.

Maibé iha altura ne’eba sira la konsege hasuru vitima sira tanba ema barak liu, entaun sira fila mai uma fila fali ba ho arma kedas hanesan katana ida, fiska ida ho besi beton ida  no mos tizora ida.

Tribunál aplika aprezentasaun periodika ba arguidu nain rua hodi hein prosesu investigasaun husi Tribunál.

Parte Ministériu Públiku promove arguidu arguidu sir aba iha Aprezentasaun periodika.

Parte defeza husu ba Tribunál atu aplika TIR ba arguidu maibé tribunál intende katak,Tribunál foti medida kuasaun adekuadu mak aprezentasaun periodika atu nune’e bele asegura ba investigasaun tuir  mai.

Audensia Julgamentu Preside husi Juis Singular Antonio do Carmo, Ministériu Públiku reprezenta husi Prokuradór Bartolomeu de Aróujo, arguidu sira hetan asistensia legal husi advogadu privadu Joao Cortereal.