Kazu Emília Pires ho Madalena Hanjam nian parte defeza arguida sira mós hatama rekursu, nune’e Ministériu Públiku (PM) mós la kontente ho desizaun Tribunál ninian entaun sira mós hatama rekursu.

Tanba ne’a, Advogadu José Guterres dehan, sira aprezenta provas husi deklarasaun testemuña sira katak, iha momentu ne’ebá iha situasaun emerjénsia ne’ebé ne’ebé presiza duni kama ba pasiente.

Nia esplika, iha momentu ne’ebá eis ministru Nelson Martins hatete, iha altura ne’ebá moras denge ida mak justifika. Ne’e mak defeza nia kliente halo iha momentu nia sei vise-ministra saúde.

To’o agora Tribunál rekursu fó informasaun kona-ba rekursu ne’e la’o hanesan ne’e. Lae rekursu ne’e sira tuir kódigu prosesu penál bainhira parte hotu-hotu hatama ona sira nia alegasaun tribunál sei notifika ba parte sira hotu dehan katak, prosesu hasae ona ba tribunál rekursu hein de'it desizaun.

“Rekursu nia durasaun tempu depende ba Tribunál Rekursu (TR) iha tempu para rezolve, tuir lei dehan se mak iha prizaun preventiva ka prizaun nia prosesu ne’e tenke la'o lalais tanba tuir lei.

Tribunál Distritál Dili (TDD) kondena ona arguida na'in rua iha loron 20 fulan-Dezembru 2016, Emília kondenada ba prizaun tinan hitu (7) no Madalena Hanjam kondenada ba tinan haat (4).