JC husu ida ne’e bainhira Tribunál halo tentativa akonsilisaun tanba haree ba krime ne’e nia natureza semi-publiku, tanba iha artigu 242 kodigu penal lei fó dalan ba tribunál atu halo tentativa akonsiliasaun ba lezadu atu dada fali ninia keixa.

Iha tentativa akonsilisaun ne’e, lezada mós konkorda atu perdua arguidu tanba arguidu ho lezada sei iha relasaun familia.

Maibé, lezada husu ba Tribunál atu husu ba arguidu hodi labele halo tan hahalok ne’e no tenke selu fali nia ran ho valor osan hamutuk $50.

Iha fatin hanesan, arguidu deklara prontu atu selu indiminizasaun ba lezada, maibé osan ne’e arguidu sei mai entrga iha Tribunál mak foin Tribunál fó ba lezada.

“Ha’u promete ba Tribunál katak iha fulan ida ne’e nia laran ha’u selu ona indiminizasaun ne’e,” hatete arguidu iha Tribunal Distrital Dili, Tersa (28/03).

Minitériu Públiku husu Tribunál atu labele omolonga kazu ne’e tanba sei hein arguidu entrga osan mak Tribunál foin halo tentativa rekonsiliasaun ba arguidu ho lezada.

Tuir akuzasaun husi Ministériu Públiku katak, iha 11 Novembru 2016 tuku 12:00 meudia iha Bekora, mosu diskusaun entre arguidu ho lezadu tanba arguidu nia oan feto du’un lezada nia oan mane tama viziñu nia kios hodi na’ok sasan.

Liu husi diskusaun ida ne’e, arguidu sente la satisfas no halai sai hodi ba direitamente buti lezada nia kakorok dala ida, tuku dala ida iha inus no bubu to’o ran.

Tuir mai arguidu kontinua halo agesaun fizika hasoru lezada hanesan basa dala rua iha nia hasan parte loos no karuk. Haoin kazu ne’e, lezada ba hato’o keixa iha polisia.

Audensia julmanetu ne’e preside husi Juiz Singular Maria Solana, Ministériu Públiku reprezenta husi Prokuradór José Elo, no arguidu hetan asistensia legal husi Defensór Públiku Rui Guterres.