Loos duni profesór kontratadu 200 resin maka hahú husi fulan Janeiru to’o Marsu seidauk simu saláriu tanba prosesu kontratu mak tama tarde.
Tanba ne’e maka saláriu to’o agora seidauk sai, maibé iha fulan ne’e nia laran ME sei halo pagamentu ba sira.
“Ami garante katak sira nia saláriu iha fulan ne’e nia laran sei selu inklui sira nia saláriu husi fulan Janeiru to’o Marsu,” dehan Diretór Jerál Ministériu Edukasaun (ME) Antonino Pires ba Jornalista iha nia knaar fatin ME Vila Verde, Sesta (21/04).
Ho failansu profesór nia kontratadu maka halo tarde, tanba ne’e sei prosesu hela no iha fulan ne’e ME sei selu.
