Tersa, 10 Dezembru 2019 | Login
PNTL Prende Motórizada Kanu Resin 46 Durante Natál –Tinan Foun

PNTL Prende Motórizada Kanu Resin 46 Durante Natál –Tinan Foun

DILI: Durante selebrasaun loron boot natál 2016 too tinan foun 2017, Komandu Polisia Nasional Timor Leste (PNTL) konsege prende motórizada kanu resin hamutuk  46.

Motór hirak ne’ebé seksaun tranzitu prende bainhiral halo cek point iha Largo Lecidere, Tasi Tolu no  fatin seluk tan.

Segundu Komandu PNTL Munisipiu Dili, Supertenenidenti Asistente Polisia Euclides Belo hateten, motórizada sira ne’ebé prende sei selu multa foin bele foti motor.

“Ita halo opresaun hasoru motór sira ne’ebé uza kanu rasing, maibé ita konsege prende motór hamutuk 46,” dehan Euclides ba jornalista iha Komandu PNTL Munisipiu Dili, Tersa (03/01)

Euclides hatutan, operasaun ne’ebé PNTL Dili halo uza meius kontaktu diretamente ho komunidade no autoridae lokál Munispiu Dili, hirak ne’e maka fó informasaun ba PNTL hodi kaptura motór sira ne’ebé uza kanu  resin. 

“Motór sira ne’e ita halo infrasaun ba sira no multa, alende ne’e motór  balun ita haruka sobu tiha kenalpod,”  nia hateten.

Ba tinan 2017, PNTL sei kontinua halo nafatin operasaun ba karrea totórizada sira ne’bé la iha dokumentu.

Observasaun ne’ebé Diariu INDEPEDENTE, motórizada lubuk ida maka para nakonu iha Komandu PNTL Munisipio Dili.

Read 425 times
Rate this item
(1 Vote)