Tan ne’e, Segundo Komandante PNTL Dili, Superintendente Assistente Euclides Belo hatete, Komandu Dili halo ligasaun ho Komandu Munispiu sira seluk atu bele kaptura suspeitu na’in rua ne’ebé sai autór ba kazu hera.

“Ita halo komunikasaun direta ba Komandu PNTL Munispiu sira hodi buka tuir suspeitu sira ne’e,” dehan Eucldes ba jornalista sira iha nia knar fatin, Kaikoli-Dili, Sesta (6/1).

Ema daruak iha PNTL Dili ne’e dehan, nia parte sei reforsa kordenasaun ho Komando husi Munisipiu 13 atu haree liu ba suspeitu ne’ebé seidauk kaptura, inklui serbisu ho komunidade hotu atu bele kontribui informasaun ba polisia.

“Ha’u bele hateten liga ba kazu krime, ne’e prosesu kontinua la’o, hodi bele identifika loloos ba supeitu ne’ebé mak komete duni. Tanba ne’e mak Komandu (PNTL Dili) mós halo prosesu promosaun ba iha Tribunal,” dehan Euclides.

Nia hatutan, Komandu Munisipiu Dili mós kontatu Ofisial Polisia Suku (OPS) iha Munisipiu Dili atu haree suspeitu balun ne’ebé mak seidauk kaptura.

Identifika tan Suspeitu Kazu Bekora

Entretantu, Segundo Komandante ne’e informa mós kona-ba indetifikasaun PNTL Dili ba suspeitu balun ne’ebé deskonfia envolve iha kazu oho Aderito Soares iha Sabraka-Laran, Bekora.

“Agora polisia simu ona mandadu kapturasaun hosi Ministériu Públiku hodi halo kapturasaun ba suspeitu na’in rua ne’ebé deskonfia envolve an iha kazu Bekora,” dehan Euclides.

Nia hatutan, PNTL kontinua hala’o identifikasaun ba suspeitu sira seluk ne’ebé sei la’o livre iha li’ur.

Tan ne’e, nia husu ba ema sira ne’ebé sente an envolve iha kazu Bekora atu entrega an direitamente ba PNTL.