PNTL Apela Ba MUTL Kuidadu Envolvimentu Terseira Pesoa iha Manifestasaun Featured

By Cristina Ximenes Novembru 19, 2018 9367
Komisáriu Júlio da Costa Hornai Komisáriu Júlio da Costa Hornai

DILI: Polísia Nasionál Timor Leste (PNTL), apela ba Movimentu Universitáriu Timor Leste (MUTL) atu kuidadu envolvimentu terseiru pesoa iha manifestasaun ne’ebé sei hala’o iha loron 19, fulan ne’e.

“Polísia Nasionál Timor Leste fó sai apelu ne’e MUTL ne’ebé tuir planu sei halo manifestasaun iha loron 19 Novembru iha resintu Kampus Fakuldade Ekonomia UNTL”, dehan Komandante Jerál PNTL, Komisáriu Júlio da Costa Hornai, iha Palásiu Prezidensiál Bairru-Pité, Sesta (16/11).

Tuir PNTL envolvimentu terseira pesoa iha manifestasaun bele estraga movimentu, manifestasaun bele hamosu fali asaun ruma kontra komunidade no seguransa.

Tanba ne’e, maka Komandu Jerál PNTL hateten, bainhira akontese situasaun hirak ne’e polísia sei halo atuasaun tuir lei haruka.

“Kontra ami hateten ona lei númeru 1/2006 ami entrega ida ba responsavel sira na’in hitu ami kaer ida ami esplika ida ho ida, lei númeru 1/2006 artigu 5 hateten demonstrasaun hotu ka se de’it maka halo demonstrasaun tenke iha distánsia metru 100 husi edifísiu órgaun soberania maka PN, PR, TR ho tan selu-seluk iha ne'ebá lubuk ida hateten, maibé ita ko’alia kona-ba asuntu ida ne’e iha PN,” dehan nia.

Nia haktuir, metru 100 tanba iha artigu 7 hateten bainhira demonstrante sira viola númeru 5 polísia autoridade seguransa iha podér tomak atu bele intervein ida ne’e maka polísia halo maibé polísia la halo arbiru.

Iha tempu ne'ebá polísia fó avizu ona bainhira sai husi loron primeiru no loron segundu to’o ba hasoru Parlamentu Nasionál sira fila fali mai bainhira iha loron Sesta ne’e sira hakat sai Polísia avizu ona labele sees husi metru 100 fila fali ba fatin, maibé nafatin lakohi ba nafatin ne’e maka polísia halo atuasaun.

Rate this item
(0 votes)

Independente Digital TV