Sexta, 28 Fevereiru 2020 | Login
Sosializasaun impaktu husi kondom Sosializasaun impaktu husi kondom

Padre David Kontra Fahe Kondom

DILI: Atu evita moras HIV/SIDA labele hadaet barak liu tan, meius ida ne’ebé intidade sira ne’ebé durante ne’e tau-matan ba moras HIV/SIDA mak fahe kondom gratuita, maibé ida ne’e hamosu reasaun kontra husi Padre Parokia Igreja Motael, David Alves da Conceicão.

Liu husi ninia omilia iha misa Paskua iha Igreja Motael, Padre David ho lian makas kontra planu no programa atu fahe kondom.

Tuir nia, povu Timor-Leste maioria nudar povu Kristaun Katolika no iha ninia kultura rasik la’os fatin ba seksu livre.

Tan ne’e, nia husu ba entidade estadu no inan-aman tomak atu bele kontrola an no hadok an husi asaun ne’ebé mak bele estraga ema-nia saúde.

Nia hatete, mundu globalizasaun lori ona buat oioin ba ema nia moris. Ema barak matan monu ba murak mean mundu nian, nune’e murak sira ne’e hafalun tiha fuan hodi labele hanoin ona buat di’ak.

Ida ne’e, nia dehan, halo joven barak ne’ebé ho idade produtivu hetan infeksaun moras HIV/SIDA.

Padre ne’e dehan, atu kombate moras ne’e, ema idaidak tenke iha konsensia oinsa atu hadok an husi seksu livre.

Read 898 times
Rate this item
(0 votes)

About Author

MidAd1