Tersa, 12 Novembru 2019 | Login
Visa livre. Foto Google Visa livre. Foto Google

Timor-Leste Fó Vistu Livre ba Sidadaun Indonezia Featured

DILI: Governu Timor Leste ne’ebé lidera husi Primeiru Ministru Taur Matan Ruak aprova ona vistu livre ba sidadaun Indonezia ne’ebé hakarak hala’o viajen mai Timor-Leste.

Maibé, politika ne’e seidauk bele implementa tanba governu sei haree ninia jestaun administrativa.

Informasaun ida ne’e hato’o husi Prezidente Parlamentu Nasionál Arão Noe.

Tuir Arão, mosu reklamasaun husi parte Indonsia ba vistu livre mai Timor Leste.

Reklamasaun vistu livre ba sidadaun Indonezia mai husi Vise Prezidente DPR Republika Indonezia Fadli Zon bainhira hasoru-malu ho Prezidente PN, foin lalais ne’e.

Ho nune’e, Arão hatutan, Konsellu Ministru deside no aprova ona atu fó vistu livre ba sidadaun Indonezia.

“Sira husi nasaun Indonzia husu vistu livre. Sira fó tiha ona ba ita tinan hirak liu ba maibé Timor Leste seidauk implementa. Ohin ami informa ba sira katak Kosellu Ministru aprova tiha ona (vistu livre) maibé falta de’it jestaun administrativa,” informa Arão iha PN, Sesta (13/09).

Prezidente PN ne’e fiar katak iha tinan ne’e nia laran sei implementa vistu livre ba sidadaun Indonezia ne’ebé sei tama mai Timor Leste.

Tuir nia, vistu livre ne’e importante, tanba nasaun rua ne’e tenke halo kooperasaun di’ak tanba iha interdependensia ba malu.

“Ita presija sasan barak tama mai tanba ita-nia ekonomia seidauk bele dezenvolve ho di’ak, entaun ita presiza hadia relasaun ho ita-nia viziñu Indonezia hodi dezenvolve setór sira seluk hodi kompete iha merkadu,” dehan nia.

Read 1329 times
Rate this item
(0 votes)