Kinta, 27 Juñu 2019 | Login
mina timor mina timor

Dalan Uniku Governu Tau Osan Sosa Asaun ConocoPhillips iha OJE 2019 Featured

DILI: Desizaun Prezidente Repúblika hodi veta Lei Atividade Petrolíferu nian automatikamente la fó dalan ba Governu atu bele foti osan direitamente husi Fundu Petrolíferu hodi sosa asaun ConocoPhillips no Shell.

“Tuir ita nia lei jestaun fundu petrolíferu nian katak, tenke liu husi Orsamentu Estadu se lae liu husi lei ruma hodi foti osan ba halo investimentu”, dehan nia, iha Uma Fukun PN, horisehik.

Nia esplika, atu evita governu labele selu multa ba ConocoPhillips, dalan úniku governu atu foti mak sei tau osan ba iha Orsamentu  Jerál Estadu OJE 2019 nian.

Iha fatin hanesan, Presidente Bankada Partidu Demokrátiku (PD), Antonino da Conceição hateten, sira apoiu estadu atu define loloos dezenvolvimentu estratéjiku sira, maibé tenke ho konsensu nasionál atu planu hirak ne’e labele afavor ba grupu ida.

“Atu aumenta osan ba sosa asaun ita sei haree ninia risku ba nasaun ne’e oinsá, entaun ita presiza tuur hamutuk atu diskute”, tenik nia.

Lei ne’ebé Xefe Estadu veta ona ne’e implika ba sosa asaun karik la tau iha OJE 2019 sei provoka dívida ba Estadu, iha sorin seluk mós iha emprestimu nune’e ba selu tan multa osan ne’e ba fó ema saugati de’it, tanba ne’e presiza iha diskusaun klean iha ambiente ne’ebé ho pás.

Read 1831 times
Rate this item
(1 Vote)