Sexta, 10 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-09&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Taur Matan Ruak Taur Matan Ruak

Taur Prontu La’o ho Karreta Roda Tolu, CNRT Hein Xanana Featured

DILI: Esperansa atu kompleta estrutura Governu Konstitusionál Daualuk (VIII) hahú mihis. Primeiru Ministru deklara prontu atu la’o nafatin ba oin ho membru sira ne’ebé agora daudaun eziste ona.

Xefe Estadu no Xefe Governu seidauk lia ida. Tanba ne’e ida-idak sei mantein nafatin ninia pozisaun no governu mós sei la’o maski inkompletu.

“Kaer karreta roda haat to’o Baukau ne’e profisionál, mas profisionál liu kaer karreta roda tolu to’o iha ne’ebá”, dehan PM Taur, hafoin soru-mutu ho Xefe Estadu, iha Palásiu Prezidensiál, Bairru-Pité, horisehik.

Ne’e Duni, Primeiru Ministru Taur Matan Ruak hakarak koko ho Governasaun ne’ebé Ain tolu, maski ninia membru Governu balun sidauk toma pose hodi kompleta estrutura Oitavu Governu konstitusionál.

Nia argumentu katak, sira ne’ebé iha koligasaun laiha polítika, nein razaun jurídiku atu halo substituisaun. Ne’e duni Governu konkorda ho desizaun Xefe Estadu hodi insiste atu rezolve impase polítika iha rai laran.

Maski nune’e, Xefe Governu apresia ho desizaun Xefe Estadu ne’ebé promulga Dotasaun Orsamentu Transferénsia (DOT) no mós Lei Orgánika Governu nian.

PM Taur reforsa, Xefe Estadu kontinua mantein atu halo diálogu ho Governu, nu’udar Xefe Governu kontinua iha dispozisaun ho Prezidente Repúblika nia-liafuan, fiar katak tempu badak iha solusaun hodi toma pose ba kandidatu seluk ne’ebé lista pendente.

Ho hamnasa, nia dehan, la imposivel iha mundu atu to’o objetivu, maski daudaun ne’e impase polítika namanas hela, maibé halo nasaun ne’e ba oin, bainhira laiha problema, laiha solusaun di'ak ba povu ho nasaun nia vida.

Antes ne’e, Prezidente Repúblika, Francisco Guterres ‘Lú Olo’ hateten, lista kandidatu membru governu ne’ebé haruka fila husu ba partidu koligasaun atu buka dalan hodi solusiona.

“Se sira maka prontu substitui ona, ne’e Xefe Estadu fó tomada de pose ne’e laiha problema”, tenik Lú Olo.

Prezidente Repúblika hateten, rezolve solusaun sira na’in sia ninia ne’e maka di’ak liu, ka solusaun nasaun ninia maka di’ak liu? Ida ne’e maka Xefe Estadu hakarak husik hela.

CNRT Hein Xanana

Prezidente Bankada CNRT, Duarte Nunes hatete, partidu iha kometimentu atu buka solusaun ba kandidatura membru governu na'in sia ne’ebé na'in hitu mai husi kuadru CNRT nian.

Partidu CNRT hato’o ona ba Primeiru Ministru atu kontinua halo diálogu ho Prezidente Repúblika atu buka solusaun ba kandidatura membru governu na'in maibé to’o agora seidauk iha solusaun.

Nune’e, Xefe Estadu husu fali ba partidu koligasaun mak atu buka solusaun. Nune’e, entre sira na'in sia ne’e maioria husi CNRT, tanba ne’e partidu sei halo enkontru ruma hodi foti desizaun.

Nia dehan, Prezidente Partidu CNRT sei hala’o hela servisu Estadu nian iha rai li'ur, entaun hein nia mai mak bele tuur hamutuk hodi buka solusaun ba desizaun Xefe Estadu nian.

“Ami nia Prezidente Partidu mai mak ami tuur hamutuk hodi buka nia solusaun”, dehan Duarte, iha Uma Fukun PN, horisehik.

Xanana Gusmão oras ne’e daudaun partisipa hela serimónia funebre eis-Sekretáriu Jerál Nasoins Unidas, Kofi Annan. Tanba ne’e, bainhira fila mai bele tuur hamutuk hodi buka solusaun.

 

Read 4322 times
Rate this item
(0 votes)
MidAd1