Sexta, 06 Dezembru 2019 | Login
Ministru Defeza no Ministru Interiór interinu, Filomeno de Jesus Paixão Ministru Defeza no Ministru Interiór interinu, Filomeno de Jesus Paixão

Planu 2020 La Korresponde Situasaun F-FDTL Featured

DILI: Planu Governu anteriór hodi dezenvolve instituisaun FALINTIL-Forsa Defeza Timor-Leste (F-FDTL) ho planu 2020 konsiderandu sees husi espetativa. Ne’e duni, tuir planu sei halo revizaun fila-fali.

Ministru Defeza no Ministru Interiór interinu, Filomeno de Jesus Paixão, konsidera planu 2020 ne'ebé governu anteriór trasa, durante ne’e la korresponde ba situasaun jerál ne'ebé instituisaun forsa defeza enfrenta.

“Ita haree duni planu 2020 ne’e la korresponde ba ita nia realidade, tanba ne’e mak ha’u dehan revizaun estratéjia para ita haree fali ida ne'ebé mak cocok no adapta ba ita nia realidade”, dehan nia, iha Kuartél Jerál F-FDTL, Fatuhada, Sábadu (2/2).

Ne’e duni, revizaun ba estratéjia 2020 ne’e atu haree fila-fali saida de’it mak la merese atu uza bele hadi'a, nune’e trasa planu foun ne'ebé serve ba realidade iha instituisaun laran.

Nia hatutan, servisu boot ne'ebé governu hamutuk ho Xefe Estadu Maiór, Koronél Koliati, halo estudu foun ba F-FDTL nian para atu haree fila-fali formasaun ne'ebé durante ne’e realiza ninia progresu.

Instituisaun halo daudaun hela hodi haree vantajen no dezvantajen sira ne’e. Saida mak seidauk halo, iha ameasa ka lae no saida mak presiza atu aumenta. Estudu sira ne’e ba futuru sei hatama iha lei programasaun militár nian.

Tuir Paixão, kuandu lei ne’e mak iha ona ba futuru mai kualkér governu ida mak atu ukun mós tenke kumpre nafatin para bele lori Forsa Defeza ne’e la'o nafatin ba oin.

Read 2335 times
Rate this item
(0 votes)