Konselleru Partidu KHUNTO, Jose dos Santos ‘Naimori’ Bucar hateten, grupu arte marsial timoroan tomak hamutuk ho organizasaun ritual seluk bainhira fó fiar ba AMP mak prontu hadiak liutan lei arte marsial atu nune’e tuir dalan diak liutan.
Lia hirak ne’e hato’o husi Naimori iha kampaña Kampania AMP nian, iha kampu futebol Maliana Vila, Sabadu (14/4).
Nia dehan, dala barak prekupasaun publiku hato’o katak konflitu mosu tanba membru arte-marsial sira mak kria konflitu hodi nune’e harahun estabilidade, maibé deklarasaun ne’e falsu tanba laiha faktu hatudu membru arte-marsial sira mak sempre envolve aan iha konflitu.
Nia dehan, bainhira Prezidente AMP, Kay Rala Xanana Gusmão ho Taur Matan Ruak ho grupu arte-marsial sira nune’e hadia liutan kondisaun diak ba grupu arte marsial sira hodi bele forsa liutan, nune’e hametin estabilidade iha nasaun ne’e.
Naimori dehan, bainhira arte-marsial sira hametin diak liutan maka povu timoroan no joven sira lao hakmetek liutan nune’e estabilidade iha rai laran bele metin liutan.
Tanba ne’em bainhira AMP ukun GAM sira sei sai atleta ida hodi nune’e inklui iha atividade desportu nune’e promove diak liutan talentu foin sa’e sira.
