AMP sei Fera Knuk Partidu Balun Uatocarbau Featured

By Artur da Luz Abril 26, 2018 1652
Kampanha AMP Kampanha AMP

UATOCARBAU: Mini kampania elitoral ne'ebe hala'o iha postu administrativu Uatocarbau, partidu koligasaun Aliansa Mudansa ba Progresu (AMP) sei sobu baze partidu seluk, nune'e aliansa prontu hetan vitoria iha elisaun antisipada hodi forma governu.

Kordenador PLP Uatocarbau, Mateus Pinto hateten, eleisaun antesipada AMP sei sobu baze partidu politiku seluk iha Uatocarbau, nune'e vitoria ba AMP sei hetan iha postu administrativu ne'e.

Tuir nia, iha eleisaun kotuk liubá partidu FRETILIN ho Partidu Demokratiku (PD) inklui CNRT sempre hetan vitoria iha Uatocarbau nian. Ne'e duni, iha eleisaun antesipada ne'e AMP mak sei hetan vitoria hodi forma Governu.

“Hau nuda'ar portavós iha Uatocarbau hakarak ita manan no manan liutan, tanba ita vota ba dalarua ita vota ba Taur Matan Ruak ita manan dala ida tan", dehan nia, iha mini kampania Uatocarbau-Vikeke, horisehik.

Nia dehan, AMP iha Uatocarbau esforsu makaas liutan hodi fera baze partidu FRETILIN ho PD, nune'e eleisaun antesipada aliansa ne'e sei manan maioria, nune'e futuru mai AMP sei domina.

Tuir nia, Uatocarbau-oan tenke vota ba AMP, nune'e ukun nasaun hodi defende riku-soin no dada kadoras mina mai Timor-Leste, tanba ne'e fiar katak AMP mak ukun ona nasaun ne'e iha periodu 2018-2023.

Nune'e, portavós AMP, Taur Matan Ruak hateten, AMP prontu ona hadia dezenvolvimentu iha Uatocarbau, liuliu estrada, edukasaun, saude no agrikultura, ne'ebe kualidade. Nune'e, povu sira bele asesu ho diak iha futuru mai jerasaun foun sei goza dezenvolvimentu iha Uatocarbau.

Nia dehan, diak liu povu Uatocarbau tenke hili AMP, hodi nune'e dezenvolvimentu bele lao ho diak, fiar katak tenpu ona lider AMP hamutuk ho povu Timor hamutuk hodi dezenvolve Timor-Leste ida buras liutan.

Portavós haktuir katak, diak liu mak povu tomak koopera malu ho AMP tenke badinas hodi dezenvolve diak liutan ezijensia povu nian iha setor oioin. 

Rate this item
(0 votes)

Independente Digital TV