Sábadu, 07 Dezembru 2019 | Login
Samba Sembilan Samba Sembilan

Samba iha “Biru” Forte no Nakar Tiru Malu Featured

METINARO: Komandante FALINTIL Forsa Defeza Timor Leste (F-FDTL) Maijor Jeneral Lere Anan Timur hatete, durante tempu rezistensia Saudozu Samba Sembilan uza ‘biru’ ne’ebé forte ne’ebé halo nia brani no nakar bainhira tiru-malu hasoru inimigu.

Lere dehan, durante iha ailaran, Segundu Komandante FALINTIL Rejiaun III ne’e kaer ‘biru’ ne’ebé nia sikat subar, no nia ‘biru’ ne’e nia fó mós ba veteranu sira balun.

“Ami iha ai-laran ne’e hotu iha nia “biru” sikat subar. It abele dehan katak uluk eis kuarta  unidade tomak, ita bele dehan rejiaun III tomak, hotu-hotu kaer (Samba) nia biru, ate ita-nia Primeiru Ministru (Taur) mós kaer (Samba) nia biru, tanba ne’e ha’u mós uluk atu kaer mais ha’u dehan laiha purke sira ne’e jerasaun ida de’it, Saudazou Maucaro 305 ho Samba Sembilan ne’e sira jerasaun ida de’it, biru ida de’it. Ha’u dehan imi kaer mós hanesan ha’u kaer, Porke iha ai-laran hanesan maluk ida karik ita hotu-hotu iha ninian sikat ka lae,” dehan Lere bainhira akompaña serimonia funebre Saudozu Samba Sembilan iha Jardin Eroi Metinaro Dili, Sabadu (06/07). 

Nia afirma, lider hotu- hotu ne’ebé uza naran ba kodiku rejistensia ne’e idak-idak iha ninia sentidu balun mai husi kultura, fiar, uma lisan, fatuk-ai, ai-        lulik, no buat seluk tan ne’ebé sira adora hodi fó matak-malirin ba sira iha luta.

“Idak-idak iha ninia kodigu rasik. Purezemplu, hau-nia naran Lere ne’e la’ós naran kualker maibé naran ne’e segredu uma-lisan ninian,” dehan nia.

Lere dehan, nia rasik mós la hatene klaru istoria ne’ebé ema dehan kodiku Samba Sembilan tau naran Samba, tanba tiru ema nain sia ne’e nu’udar istoria ida husi funu Rejiaun III nian.

“Purzemplu 305 ne’e nusa mak tau naran 305, ne’e tanba tiru-malu ho tentara bataliaun 305, tanba ne’e Samba Sembilan mós ema gerileiru, ema ida ke espesial, tanba nia nakar ho tiru malu, maibé enkuatu ema seluk funu ho tiru malu, maibé Samba naran saruntu de’it no brani tanba nia konfia buat ruma hanesan biru ne’e,” dehan Lere.

Read 2365 times
Rate this item
(1 Vote)
MidAd1