“Prizaun preventiva ne’e hodi hein hein prosesu investigasaun ne’ebé Ministériu públiku sei halo tuir mai,” dehan nia iha TDD-Dili,horisehik.
Entretantu, Defeza Arguidu konsidera desizaun tribunál aplika prizaun preventiva ba arguidu tanba la subar no konfesa imparsiál katak nia (arguidu) mak oho duni.
Tribunál hatun despaxu aplika medida koasaun prizaun preventiva tanba Tribunál lakohi atu akontese tan konfrontu grupu arte marsiál.
Haree ba sirkunstánsia sira ne’e, Parte defeza sente medida koasaun Prizaun Preventiva ne’e adekuadu tanba iha indísiu.
Tanba ne’e, Parte defeza ho Ministériu Públiku la halo rekursu tanba hare ba rekizitu ne’e prienxe duni.
Ministériu Públiku promove arguidu ba krime omisidu agravadu ne’ebé previstu iha artigu 139 husi kódigu penál. Krime ne’e nia moduru penál tinan 12 too tinan 25 prizaun.
Tuir akuzasaun ne’ebé Ministériu públiku aprezenta ba Tribunál lee sai katak, iha loron 4 Jullu, tuku 4:00 lokraik, arguidu oho Joven na’in rua ne’e bainhira mosu konfrontu iha área Baura, Suku Leorema, Postu Administrativu Bazartete Munisípiu Likisá.
Audiénsia julgamentu ne’e prezide husi juis singulár Editre Palmira, MP reprezenta husi prokuradór Jacinto Babo, Rogério Viegas no Luis Hernani Rangel no arguidu hetan asisténsia legál husi advogadu privadu Rui Lopes.
