Tribunál Absolve Kazu Asesór ADN Featured

By Martinha Gusmao Jullu 09, 2019 4531
Arguidu Harunu Padmo Wipoyo nu’udar Asesor iha Ajénsia Dezenvolvimentu Nasionál (ADN) sai husi Tribunal hafoin tuir julgamentu Arguidu Harunu Padmo Wipoyo nu’udar Asesor iha Ajénsia Dezenvolvimentu Nasionál (ADN) sai husi Tribunal hafoin tuir julgamentu

DILI: Tribunál Distritál Dili (TDD) absolve kazu krime pekulatu de uzu ne’ebé envolve husi arguidu Harunu Padmo Wipoyo nu’udar Asesor iha Ajénsia Dezenvolvimentu Nasionál (ADN).

Arguidu ne’e komete kazu pekulatu de uzu tanba lori karreta estadu ba hola sasan.

 

 Iha desizaun, finál juis prosesu Ivan Suritay hatete, Tribunál absolve arguidu husi Krime ne’e tanba laiha elementu ka objetivu sujeitu.

Nia dehan, Objetivu katak arguidu uza karreta tuir kontratu ne’ebé iha.  Sujeitu katak arguidu uza karreta la ho intensaun.

Tan ne’e, Juis Prosesu dehan, Tribunál absolve arguidu husi krime ne’ebé imputa ba nia.    

Molok ne’e, Tribunál liu husi julgamentu sumariu, Prokuradór titulár  liu husi alegasaun finál  solisita ba Tribunál atu aplika pena  multa ba funsionáriu tékniku ka asesor ADN, arguidu Harunu Padmo Wipoyo ho montante USD $ 1.00 ba kada loron durante loron 100 nia laran  no aplika mós kustu judisiáriu ho montante USD $50.00

Razaun MP husu pena ne’e, tanba konsidera arguidu priensi elementu ba krime pekulatu de uju, bazeia ba deklarasaun arguidu katak loos duni iha momentu ne'ebá fora husi loron no horas servisu arguidu utiliza karreta Estadu hodi tula nia kolega ida ho nia ferik oan hodi ba kompras iha Supermerkadu Lider.

Maski, arguidu rasik iha autorizasaun husi instituisaun hodi utiliza karreta Estadu ba asuntu privadu no servisu, maibé iha mós regra ne’ebé determina katak funsionáriu ida bele utiliza karreta Estadu ba de’it servisu instituisaun.

Advogadu privadu husi arguidu husu ba Tribunál atu toma konsiderasaun ba arguidu nia prezensa iha Timor Leste tanba arguidu nia prezensa atu fó apoiu servisu ba governu liu husi instituisaun ADN no iha kontratu servisu hakerek nia bele utiliza karreta ne’e ba asuntu privadu no servisu iha kualkér tempu.

 Maibé, la esplika espesífiku kona ba saida de'it mak nia parte bele halo no labele halo tanba ne’e arguidu rasik mós la hatene hahalok ne’ebé nia halo loos ka lae.

Arguidu deskonfia komete krime pekulatu de uzu ne'ebé previstu ih artigu 296 husi kódigu penál Timor Leste, relasiona ho utilizasaun karreta estadu iha loron Sábadu no Domingu ne'ebé sees husi oras servisu.

Audiénsia julgamentu sumáriu ne’e, prezide husi juis singulár Ivan Suritay, MP reprezenta husi Prokuradór Rogério Viegas no arguidu hetan asisténsia legál husi advogadu privadu Fernando da Costa.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31