Segunda, 14 Outubru 2019 | Login
Parlamentu Nasional Parlamentu Nasional

PN Hatudu Polítika Infantizmu Featured

DILI:Perspetiva sosiedade sivil nian haree katak PN hatudu moe boot ba mundu internasionál bainhira la aseita atu Xefe Estadu ba partisipa iha Reuniaun Altu Nivel ONU nian.

 

Tanba hahalok ne’ebé deputadu sira halo hatudu momoos katak, sira labele separa asuntu partikulár partidu polítiku nian no asuntu nasaun nian.

Ne’e hatudu ita nia infantilizmu polítiku ba mundu internasionál, ne'e duni lamentavel tebes,” dehan Diretór Ezekutivu Asia Justice And Rights (AJAR), José Luis de Oliveira, iha Palásiu Prezidensiál, Bairru-Pité, horisehik.

Nia dehan, konvite ne’e ba dala rua ona. Tuir loloos tenke fó tempu ba Xefe Estadu atu hola parte lori nasaun nia naran ba partisipa reuniaun altu nivel ne’e. La’ós lori problema uma laran nian kona-ba membru governu balun seidauk simu pose hodi impede reuniaun importante sira ne’e.

Ba liur presiza hatudu TL nia prezensa iha ne'ebá, la'ós presiza fali Ministru maibé Xefe Estadu mezmu nia la hatene ko’alia Ingles.

Entretantu, observadór polítika, Francisco Mausoru hateten, aktu ne’ebé PN halo la merese atu akontese viajen ne’e ba interese nasionál, tanba ne’e lalika egoízmu ho interese partidáriu nian.

Tuir nia, polítika egoízmu maka mosu iha órgaun sira ne’e hodi la tau interese Estadu no povu nian iha leten.

Timor-Leste iha faze dezenvolvimentu tanba ne’e tenke servisu hamutuk presiza ema hotu nia boa vontade oinsá atu tane aas dignidade interese povu sira nian hodi hatudu lisaun di'ak ba jerasaun tuir mai.

Read 472 times
Rate this item
(0 votes)