Domingu, 08 Dezembru 2019 | Login
Matebian grande eroi Samba Sembilan Matebian grande eroi Samba Sembilan

PN Fó Votu Pezar Ba Samba Sembilan Featured

DILI:Parlamentu Nasionál (PN) liu husi sesaun plenária fó votu pezar ba matebian Saudozu Jaime Ribeiro ’Samba Sembilan’, ne'ebé hakotu ona ninia peregrinasaun iha mundu ne’e.

Sesaun Votu Pezar husi PN ba Saudozu, dirije husi Vise-Prezidente PN , Maria Angelina Sarmento ho totál votu afavor 52, kontra no abstensaun laiha.

Vise-Prezidente PN hateten, matebian saudozu ‘Samba Sembilan’ ne’e ema eminente importante ida prosesu rezisténsia no hanesan veteranu kombatente ba libertasaun nasionál.

Votu pezar ne’e hanesan solidariedade ida ne'ebé PN halo hodi hato’o família enlutada”, dehan nia, iha Uma Fukun, horisehik.

Nia dehan, votu pezar sei publika iha Jornál Repúblika no Jornál Parlamentu Nasionál no loke dalan atu fasilita mós família Saudozu sira bele asesu ba rekursu Estadu, liu-liu ba sira-nia ona sira.

Iha futuru, Saudozu nia-oan sira bele asesu ba bolsu estudu, sira bele kaer ida ne’e hanesan evidénsia Estadu rekoñese sira hanesan luta na’in nia-oan ida”. tenik Maria.

Direitu asesu rekursu Estadu ba bolsu estudu no oportunidade servisu maka objetivu atu labele husik jerasaun luta na’in sira la aproveita ukun aan ne’e.

Read 1309 times
Rate this item
(0 votes)
MidAd1