Meta Malik Simu Posse: Laiha Planu Foun Kontinua De’it ho Programa Tuan Featured

By Pedro Alves Maiu 29, 2020 2530
Ministru Meta Malik. Ministru Meta Malik.

DILI:Presidente Repúblika Fransisco Guterres Lú Olo, sesta ohin fó posse ba membru Governu foun na’in walu (8), inklui Julio Saramento da Costa ‘Meta Malik’ ba Ministru Asuntu Kombatentes Libertasaun Nasional (MAKLN).

“Sentimentu hanesan babain tanba konfiansa ne’ebé depozita husi Primeiru Ministru no autoridade ne’ebe fó fiar mai ha’u nudar ema ba rai no povu ida ne’e prontu atu servi, tanba ne’e la sente,todan hamutuk ho povu atu fo resposta ba povu,”dehan Ministru Meta Malik, iha Palasiu Presidente Aitarak Laran, hafoin simu posse,(29/05).

Eis Sekretariu Estadu ne’e realsa, planu politika nanis ona relasiona asuntus kombatentes libertasaun nian nunee laiha buat seluk sei kontinua serivisu hamutuk ho ekipa atu bele halao knaar ne’e di’ak ba povu.

“Ha’u kontinua servisu ho ekipa saida mak seidauk halo bele kontinua halo fali, maibé labele halo buat ne’ebé hala’o tinan rua liu ba tanba governanasaun kontinua VIII nian hodi kontinua de’it restus mortais nune’e labele halo fali progama foun atu destroi fali programa ne’ebé hala’o ona,”tenik nia.

Membru Governu foun ne'e involve an iha VIII Governu Konstitusional ne'ebe lidera husi Primeiru Ministru Taur Matan Ruak.

Xefe Governu Taur Matan Ruak (Presidente parrtidu PLP) hetan apoiu parrtidu politika sira, mak hanesan FRETILIN, KHUNTO no Partidu Demokratiku. 

Rate this item
(0 votes)

Independente Digital TV