Seremónia Posse ba Membru Governu Na’in 8, Kumpri Regra Distansia Sosial

Dezembru 23, 2024

Nasional

Seremónia Posse ba Membru Governu Na’in 8, Kumpri Regra Distansia Sosial ^Featured

By Pedro Alves Maiu 29, 2020 3458

Membru Governu foun na'in 8.

DILI:Presidente Repúblika Fransisco Guterres Lú Olo, sesta ohin (29/5) fó posse ba membru VIII Governu Konstitusionál na’in walu (8), iha Palacio Presidensiál, Aitarak Laran Dili.

Iha serimónia posse ne’e, Xefe Estadu Fransisco Guterres, Primeiru Ministru Taur Matan Ruak ho nia membru Governu kontinua kumpri regra distansial sosial kuaze metrus ida too metrus rua iha situasaun Estadu Emerjénsia ba datoluk.

Membru Governu foun ne’e, Armanda Berta dos Santos ba kargu Vise Primeiru Ministra, ho nia funsaun akumula hotu servisu nuudar ministra da Solidariedade Social e Inclusão (MSSI) no Fidelis Magalhães assume kargu Ministro Presidénsia Konsellu Ministrus.

Francisco Jerónimo assume kargu Ministru ba assuntos Parlamentares no Komunikasaun Sosial, Fernando Hanjam ba Ministru Finansas, Miguel Pereira de Carvalho ba Ministru ba Administrasaun Estatal no Odete Belo ba Ministra Ministra Saúde.

Xefe Estadu mós fó posse ba Júlio Sarmento da Costa ‘Meta Malik’ ba Ministro Assuntos Kombatentes Libertasaun Nasionál, Pedro Reis ba Ministro Agricultura no Pescas.

Posse ba membru Governu foun nuudar faze primeiru, ne’ebé hetan apoiu forsa politika maioria parlamentár husi Frente Revolucionária do Timor-Leste Independente (FRETILIN), Partido Libertação Popular (PLP), Kmanek Haburas Unidade Nacional Timor Oan (KHUNTO) no Partido Demokrátiku (PD), ho deputadus hamutuk 41 husi 65 deputados iha Parlamentu Nasionál.

Rate this item

(0 votes)

Last modified on Sexta, 29 Maiu 2020 13:40