Mensájen PR Lú Olo: Hakanek Ema Nia Dignidade Kontra Konstituisaun Featured

By Abril 09, 2020 3173
Presidente Republika Fransisco Guterres Lú Olo hatoo mensajen ba povu. Foto Gabinete PR. Presidente Republika Fransisco Guterres Lú Olo hatoo mensajen ba povu. Foto Gabinete PR.

DILI: Prezidente Repúblika, Francisco Guterres Lú Olo hatoo mensajen ba povu tomak atu respeita nafatin regra Estadu Emerjénsia no idak-idak halo reflesaun liuhusi selebrasaun festa Paskua tinan 2020 nian.

Liu husi karta komunikadu ne’ebé diariu nia asesu kuarta horsehik, Xefe Estadu hatete, demokrasia la'os tolok ka insulta ema seluk ka Orgaun Estadu sira ne'ebé hala'o hela sira nia knaar tuir Konstituisaun RDTL.

Liberdade espresaun no informasaun la fó direitu ba ema ida tolok ka insulta ema seluk, bainhira laiha hanoin hanesan. Halo kanek ema seluk nia dignidade ne'e kontra konstituisaun.

"Ita konkista ita-nia demokrasia ho ran. Demokrasia atu serve interese povu nian, la'os interese ema ida ka partidu polítiku sira nia interese.

“Ser livre no demokrátiku iha Estadu Direitu Demokrátiku maka oinsá sai sidadaun ida responsável ba ninia liafuan no hahalok rasik. Katak hatene folin hira ba ninia liafuan no hahalok! Nune'e demokrasia sai sasukat lolós ba ezersísiu sidadania”.

Rate this item
(0 votes)

Independente Digital TV