Tanba ne’e nia alerta ba Polísia Nasionál Timor-Leste (PNTL) atu baku de’it bainhira ezekuta regra Estadu Emerjénsia mak sidadaun balun la respeita regras ne’e.
Tuir nia katak, baku sei la viola direitu umanus, bainhira PNTL hala’o nia servisu ba intrese komum, relasiona ho surtu viruscorona (covid-19) ne’ebé emeasa ba sidadaun hotu nia vida.
Presidente Repúblika Francisco Guterres Lú-Olo dekreta ona estadu emerjénsia no governu aprova dekretu lei númeru 3/2020 hodi prevene surtu coronavirus ne’ebe fó ameasa ba mundu hamate ona ema rihun ba rihun.
“Ema (komunidade) mangame basa, baku, ne’e ha’u hanoin katak la viola direitus umanus, ita ko’alia bebeik O la rona ne’e, tanbá ema ida nian indisiplina bele estraga ema barak, ema rihun ba rihun, ne’e mak sira la kumpriende,”dehan Lere ba jornalista sira hafoin realiza inkontru ho Komandu PNTL, iha salaun inkontru F-FDTL Kuartél Jenerál, Fatuhada-Dili (07/04).
Jenerál Lere husu ba governu atu fó atensaun, no tau iha ajenda ba situasaun surtu coronavirus, tanbá moras ne'e nuudar asuntu urjente.
Tanba ne’e, Komandu F-FDTL husu ba komunidade atu koopera ho parte autoridade seguransa hodi luta hamutuk prevene surtu coronavirus ne’e.
