Komandu F-FDTL fo atensaun ba joven sira tanba realmente durante ne'e, membru husi Falintil Forsa Defeza Timor Leste (F-FDTL) barak maka sai vítima ba hahalok premanizmu joven sira nian.

Lere husu ba joven sira atu para ona ho premanizmu hasoru military iha fatin públiku  tanba military maka sai hanesan  lutu ba nasaun.

Nia konsidera populasaun ka joven baibain sira ne'ebe maka baku membru F-FDTL ne'e hatudu katak, la hadomi lutu nasaun.

“Dala ruma forsa sira maka sai vítima ba ita nia populasaun no joven sira,” dehan Lere ba Jornalista iha Kuartél Jenerál F-FDTL Fatu hada Dili, Kuarta (01/02)

Hanesan lider maximu iha F-FDTL, Lere sei la tolera hahalok joven nian ne'ebé buka atu baku membru forsa nian iha fatin públiku tanba ne'e hahalok ne'ebé lad'iak.

Lere moos konsidera joven balun nudar mal edukadu, liuliu sira ne'ebé maka fulan kotuk liu ba baku forsa sira, no rezulta membru na'in rua sai vítima.

Nia moos sei konfuzaun ho atitude joven sira nian, tanba saida maka gosta atu baku membru F-FDTL ne'ebé mesak ema Timor oan deit.

Lere ho lian makaas apela ba joven sira atu  kuidadu an liuliu sira ne'ebé mak gosta halo problema ho military.

Ema númeru primeiru iha instituisaun ne'e mos promete katak, bainhira joven ida gosta buka problema ka liman katar hasoru military, maka kaer toman sinti rasik.

Antes ne’e eis Gerrilleiru ne’e moos hatún ona orden  ba Polisia Militár (PM) hodi halo operasaun ka halo kaptura saun  bainhira joven sira se de'it maka gosta baku membru F-FDTL.