Domingu, 05 Abril 2020 | Login
Kondisaun eskola iha Munisipiu balun Kondisaun eskola iha Munisipiu balun

Estudante Rihun Ida Laiha Kaderneta Eskolar Featured

DILI: Estudante sira husi Eskola Sekundária Jeral 4 Setembru hamutuk na’in rihun ida to’o ohin loron seidauk iha kaderneta eskolar.

Diretór Eskola Sekundária Jeral 4 Setembru Sergio dos Santos da Cruz informa, durante ne’e estudante sira-nia valor hakerek de’it iha surat-tahan hodi fó ba sira atu akompana sira-nia dezempeñu kada trimestral.

“Estudante ESG 4 Setembru rihun ida mak laiha kaderneta, ne’e ba primeiru ano, sira ne’ebé atu pasajen klasse mós seidauk iha kaderneta,” informa nia iha Balide, foin lalais.

Diretór ne’e hatete, parte eskola hato’o ona problema ne’e ba Ministériu Edukasaun Juventude no Desportu (MEJD).

“Husi parte MEJD hatete katak ministériu sei halo impresaun tanba ne’e tempu besik sei distribui ba eskola sira,” dehan nia.

Ho nune’e, nia hatete, nia parte sei hein hela kaderneta eskolar hodi bele priense valor estudante sira ne’ebé tuir ona ezame pasajen klase.

Read 519 times
Rate this item
(0 votes)
MidAd1