Sexta, 10 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-09&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Violasaun sexual too isin rua Violasaun sexual too isin rua

AMT Fó Oan Ba Nia-Kuñada Featured

DILI: La’ós família hotu-hotu iha hanoin di'ak ba malu, hanesan saida mak AMT halo. Bainhira hela hamutuk ho ferik-oan nia alin sira, AMT halo fali violasaun hasoru ninia Kuñada to’o ko'us oan.

Tuir kronolojia, dezde tinan 2014, lezada JFR, estudante pre-sekundária hela hamutuk ho ninia biin, arguidu AMT nia ferik-oan. Durante hela iha uma ne’e ekonomikamente lezada depende mós arguidu.

Durante tinan ida nia laran hela hamutuk situasaun la’o di’ak nafatin, maibé to’o tinan 2015 iha loron ida AMT hahú hanoin aat ba ninia Kuñada.

Maizumenus tuku 14:00 hafoin fila husi eskola han meiudia hotu, lezada tama kuartu laran hodi toba. Iha momentu ne’e família sira seluk laiha hotu, hela arguidu no lezada mesak iha uma.

Iha momentu lezada toba dukur, AMT tama iha lezada nia kuartu no kolu ninia ropa no toba lezada nia leten. Nune’e, arguidu halo violasaun hasoru lezada. Momentu ne’e lezada hakilar, maibé lian la sai tanba arguidu AMT taka lezada nia ibun ho liman.

Depois halo relasaun hotu, AMT hatais lalais ninia ropa no hameno ba lezada atu labele hatete sai ba família. “Sé ó hatete sai ha'u sei baku mate O”! ameasa arguidu ba lezada.

Hafoin halo relasaun dala hitu (7), ikus mai lezada ko'us oan. Iha tempu ne’e arguidu AMT mós komesa ta'uk no hahú sees-aan ona husi lezada ho nia família.

“Nia ne’e ha’u nia ferik-oan nia alin rasik, maibé ha'u mós prontu atu responsabilza ba oan ne’e, tanba ne’e ha'u nia oan,” dehan arguidu.

Rona tiha deklarasaun, tribunál husu ba Ministériu Públiku (MP) atu halo alegasaun finál. Nune’e, MP husu ba tribunál atu hatún pena prizaun tinan 13 ba arguidu AMT impende lezada nia futuru no halo relasaun obrigasaun.

Ministériu Públiku akuza arguidu hanesan autór materiál ba krime violasaun ho forma konsumadu tuir artigu 172 Kódigu Penál (KP) ho pena prizaun tinan 5 to’o 15.

Entretantu Defensór Públiku husu ba Tribunál atu fó pena ne’ebé justu tanba arguidu mós konfesa hotu nia sala. Arguidu mós deklara nia ba Tribunál katak sira na'in rua duni relasaun seksuál dala hitu.

Rona tiha alegasaun Tribunál adia fila fali julgamentu ne’e ba loron 10 Marsu tinan 2017 tuku 17:00 lokraik hodi rona desizaun.

Iha audiénsia julgamentu ne’e prezide husi juis koletivu José Maria de Araújo, Maria Solana, Francisca Cabral, Ministériu Públiku reprezenta husi prokuradór António Tavares, arguidu hetan asisténsia legál husi Defensór Laura Valente de Fátima.

Read 1300 times
Rate this item
(0 votes)

About Author

MidAd1