Tersa, 07 Abril 2020 | Login
Baandeira TL. Baandeira TL.

28 Marsu iha Oras 00:00, Estadu Emerjénsia Hahú Featured

DILI:Parlamentu Nasionál (PN), kinta (26/3), aprova ona ho votus unanimidade pedidu Presidente Repúbika atu dekreta Estadu emerjénsia durante fulan ida, hodi responde kazu Covid-19.

Rejultadu husi votasaun ba estadu emerjénsia ne’e, a-favor 64, kontra 0, abstensaun 0, no deputadu na’in ida auzensia iha plenaria.

Estadu Emerjénsia ne’e sei hahú iha loron 28 fulan-Marsu, oras 00.00 too loron 26 fulan-Abril tinan 2020, oras 23:59.

Konsellu Ministru aprova proposta estadu emerjénsia ne’e iha loron 18 fulan-Marsu 2020. Enkuantu Presidente Repúblika Fransisco Guterres Lú Olo aprejenta pedidu estadu emerjénsia ba Parlamentu Nasionál iha loron 24 fulan-Marsu 2020.

Aplika Estadu emerjénsia ne’e hodi hasoru viruscorona (Covid-19) ne’ebé ameasa ona Timor-Leste. Ministériu Saúde anunsia katak, ema na’in ida positivu ona ba covid-19.

Primeiru Ministru Taur Matan Ruak deklara preparadu logistikamente atende situasaun emerjénsia ne’e.

Read 6945 times Last modified on Kinta, 26 Marsu 2020 21:03
Rate this item
(3 votes)

About Author

MidAd1