×

Atenção

JUser: :_load: Não foi possível carregar usuário com ID: 425

Posting Foto Molik iha Facebook, LS Dada JF ba Tribunal Featured

By Fevereiru 02, 2017 37963
Foto molik iha Facebook Foto molik iha Facebook Foto Tempo Semanal

DILI: Maske namora ona, maibé kuidadu bainhira hasai ka haruka imajen ba malu, liliu imajen ne’ebé la merese. Tanba bainhira relasaun ne’e kotu, balun bele hanoin aat no espalla imajen ne’e ba públiku.

Iha era teknolojia no internet ne’ebé hahú avansa ne’e, ema ho fasil bele utuliza rede sosial sira hodi sirkula informasaun, filmajen, no imajen (foto) sira, tan ne’e kuidadu bainhira hasai foto, liliu ho kondisaun molik.

Kazu ne’e akontese ba feto ida ho inisial LS ne’ebé derrepente nia foto ho kondisaun molik mosu ona iha rede sosial Facebook.

Tuir kronolojia ne’ebé Ministériu Públiku (MP) le’e iha sala audensia julgamentu Tribunal Distrital Dili katak, arguidu ho inisial JF posting LS nia foto molik tanba LS la atende ninia telephone.

MP deklara katak, arguidu ho lezada hahú namora iha fulan Dezembru 2012, no iha loron 5 Jullu 2016, arguidu telephone ba lezada atu konversa halimar, maibé lezada la atende. Nune’e, arguidu hirus no deside hodi hapara sira-nia relasaun.

Liu loron ida, iha loron 6 Jullu, bainhira lezada fila husi eskola testamuña ida, Adriano fó hatene ba lezada katak, arguidu posting lezada nia foto molik iha facebook. Foto ne’e lezada manda ba arguidu bainhira sira sei namora.

MP deklara katak, konsekuensia husi hahalok dereita arguidu nian halo lezada no nia familia sente moe.

Maibé, molok hala’o prosesu julgamentu, lezada deside hodi dada fali keixa ne’ebé nia hatama ba MP.

Ho desizaun husi lezada ne’e, no tanba mós lei fó dalan atu dada keixa, Tribunál homolonga kazu ne’e, no absolve arguidu husi krime devaza tuir artigu 183 kodigu prosesu Timor-Leste.

Audensia julgamentu ne’e prezide husi Juiz Singular Duarte Tilman. Ministériu Públiku reprezenta husi Prokuradór José Elo, no arguidu hetan asistensia legal husi Advogadu Privadu, Manuel Gonçalves.

Rate this item
(4 votes)

Independente Digital TV