Ministru Estanislau Planu Kuda Ai Parapa iha Lagua Modomaut

By Ligia Noronha Janeiru 30, 2017 1331
Ministru Estanislau da Silva Ministru Estanislau da Silva

MANUFAHI: Ministru Estadu Koordenadór Asuntu Ekonomia no Ministru Agrikultura no Peskas, Estanislau Aleixo da Silva promete atu kuda ai parapa iha lagua Modomaut, Postu Administrativu Fatuberlihu, Munisipiu Manufahi.

Ministru Estanislau hato’o kestaun ne’e bainhira hala’o vizita ba lagua Modomaut hodi haree besik liu tan paisajen furak iha lagua ne’e.

Ministru Estanislau hatete, planu kuda ai parapa iha fatin refere hanesan pakote ida ba turizmu ne’ebé haree kona-ba kultura no istoria.

“Ohin ami haree Modomaut ne’e ami haree iha rikeza natural boot, ida iha kolan boot iha laran ikan, kadiuk ho tan lafaek,” dehan Ministru Estanislau ba jornalista sira iha Modomaut, Fatuberlihu, Sesta (27/01).

Aliende ne’e, nia informa organizasaun internasional UNDP sei hola parte mos iha programa kuda ai Parapa iha fatin ne’e nune’e bele fó protesaun ba lagua ne’e no ba espesies sira iha laran.

Iha fatin hanesan, Prezidene Administradór Munisipiu Manufahi, Carlito Pineiro hatete, fatin sira hanesan ne’e importante tebes hodi dada turista sira mai vizita, aleinde ne’e iha mós riku-soin balun ne’ebé bele fó reseitas ba estadu.

“Iha ha’u-nia Munsipiu la’os de’it Modomaut de’it maibé, sei iha tan fatin barak ne’ebé mak ninia potensialidade ne’e as tebes. Espera fatin sira ne’e governu tau-matan par bele hetan reseitas barak,” dehan nia.

Rate this item
(0 votes)
Last modified on Segunda, 30 Janeiru 2017 13:12

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31