DILI : Ministériu Agrikultura Peska (MAP) sei hasai Konteiner rua nulu resin ualu (28) husi área Ajénsia Portu Timor-Leste (APORTIL), ne'ebé durante ne’e para de’it iha ne’ebá.
Ministru Agrikultura Peska (MAP), Estanislao Aleixo da Silva hateten, Konteiner hirak ne’e oferese husi nasaun Xina.
“Konteiner hirak ne’e oferese mai husi Xina. Ami ko'alia tiha ona ho Ministru Finansas (MF) agora mak foin atu hasai,”esplika Estanislao ba jornalista sira iha Pallasu Governu Dili, horisehik.
Ministériu Finansas hamutuk ho Alfándega sei hare, depois mak MAP sei halo pagamentu atu bele rezolve.
La’ós Konteiner de’it mak mai husi Xina, maibé iha ekipamentu hanesan mákina dulas haree no mós batar.
