Relatóriu hatudu katak pasiente iha Munisípiu Ermera hamutuk 38 mak sofre moras Denge.

Vise Ministra Saúde ba asuntu Kuidadu Saúde Primária, Elia António Amaral de Araújo informa relatóriu ida ne’e ba jornalista sira, iha Palásiu Governu Dili, segundu (4/2).

Pasiente hamutuk 38 ne'ebé afeta moras denge daudaun ne'e kontinua halo testamentu iha HNGV, tanba tuir Vise Ministra ne’e katak moras denge fó sinál negativu bainhira komunidade enfrenta ona kazu moras denge.

Nia dehan, munisípiu seluk númeru ba kazu moras denge menus, tanba ne'e nia apela ba pessoal saúde sira atu kontinua halo sosializasaun hasoru komunidade kona ba oinsa atu prevene moras dengue.

"Ita hatene katak kazu sira ne'e mai husi falta de kontrola husi komunidade oinsá hadi'a hijéne iha ambiente ne'ebé ita hela bá,"dehan Vise Ministra ne’e.

Governu kontinua orienta ba pesoál saúde halo sosializasaun ba komunidade sira kona ba hamoos uma ninin ne’ebé susuk sempre moris iha bee lubun ho fo'er sira.

Ho situasaun ne'e Ministériu saúde hetan apoia husi korpu diploma husi Indonézia serbisu hamutuk iha área saúde atu fahe informasaun kona ba lala'ok moras denge ba pasiente namoos komunidade sira.