Paixão sei Troka Membru Polisia Migrasaun iha Fronteira

Dezembru 27, 2024

Mundu

Paixão sei Troka Membru Polisia Migrasaun iha Fronteira ^Featured

By Pedro Alves Martins Juñu 28, 2019 5019

Fronteira Batuege Timor-Leste ho Indonesia

DILI: Ministru Defeza no Interiór Interinu, Filomeno de Jesus Paixao, hakarak troka membru Polisia Migrasaun sira ne’ebé servisu tempu naruk ona iha Fronteira Batugadé tanba konsidera kleur liu ona.

“Ha’u hakarak troka hotu polisia imigrasaun ne’ebé tinan sanulu hela iha ne'ebá. Demais ona! Labele hela hanesan uma lisan iha ne’ebá”, dehan nia, iha Palásiu Governu, horisehik.

Razaun fundamentu atu troka mak servisu labele tinan ba tinan nafatin iha ne’ebá.

Tanba iha prosedimentu sei halo koordenasaun ho Komisaun Funsaun Públika (KFP) tanba lei ne’e hateten, loloos Polisia Migrasaun pasa ba vida sivíl, maibé sira lakohi, hakarak nafatin nune’e.

Tanba ne’e, husu mós ona apoiu ba Komisaun Funsaun Públika (KFP) atu ajuda hodi halo reforma.

Antes ne’e, Ministru Filomeno mós relata katak, servisu Polisia Migrasaun envolve irregularidade barak, liuliu iha kobransa ba ema tama-sai Timor-Leste.

Ne’e duni, Governu iha planu atu sosa materiál apoiu servisu nian hodi bele halo kontrolu ba servisu Polisia Migrasaun nian.

Rate this item

(0 votes)