Objetivu husi kapasitasaun nee atu fo edukasaun sivika, oinsa hanorin joventude sira hodi sai sidadaun ne’ebé di’ak iha futuru.

Sentru juventude 5 nee maka Bekora, Oekusi, Aileu, Ermera, Likisa inklui  Parlamentu Foin sae.

“Iha semana kotuk ami hala’o ona formasaun edukasaun sivika ba Parlamentu Foin sae sira, oinsá mak atu sai sidadaun di’ak, direitus umanus, demokrasia, sistema eleitoral no mós kampañia eleitoral,” esplika Senior Nasional Advisor, Leonésia Tecla da Silva ba jornalista sira, iha sional Dili, horisehik.

Formasaun hirak ne’e hala’o durante loron lima. Ne’e duni loron ida, abilidade ba fasilitasaun nian, maibé ba loron ikus nian fó jestaun ba projetu siklu. Entaun diferente formasaun tolu ne’ebé fó ba joven sira.

Formasaun ne’e la’ós iha Dili de’it, sei kontinua ba munisípiu hanesan, Manufahi, Ainaru, Suai, Baukau, Manatutu, Vikeke no Lautem.

Partisipante sira aprende oinsa maka  halo planu para atu halo proposta liu husi grupu, tanba sira iha ona skiil ba fasilitador bele kontinua ho ida ne’e.

Bainhira sira iha ona konesementu ba iha edukasaun sivika, direitus umanus, sistema eleitoral no demokrasia,  sira fila husi treinamentu bele aplika iha fatin ida-idak.

Iha fatin hanesan, Xefi Departementu Kooperasaun Instituisionál iha Sekretariu Estadu Juventude Desportu, João Lemos hateten, molok atu finaliza tenke halo TOT ba grupu tarzetu sira.

“Agora hahú ona husi Baukau iha semana rua liu ba, depois semana kotuk ita halo ba alumni Paralamentu Foin sae no semana ida ne’e ita focus ba membru sentru joventude sira iha munisipiu haat. Semana oin ita fokus ba parte sul ninia, ne’ebé pelumenus nain ualu nolu resin, maibé masimu nain lima nulu resin mak ita sei kobre hanesan fasilitador foun ba modul ne’e,” dehan João.

Modul ne’e iha parte tolu ne’ebé sei koalia, liliu edukasaun sivika enjeral, depois koalia mós kona ba prosesu eleisaun votantes no mos koalia kona ba simbolu nasionál sira.

“Modul ne’e sidauk kompletu, tanba ita sei faze esperiensia esprimental, oinsá atu bele kompleta, afirma nia.

Modul ne’e ninia intensaun atu bele eduka joven sira atu hatene sira nia an, nudar sidadaun timor no oinsá sira bele kompriende buat hotu ne’ebé liga ho sidadania iha rai ida ne’e.