Deklarasaun husi Ministru Negósiu Estranjeiru no Kooperasaun (MNEK) Hernâni Coelho hatete, forsa Amérika sira mai ne’e husi ekipa apoiu umanitária.
Sira mai iha Timor kleur ona, hahú 2002 hodi ajuda hadi'a universidade sira, halo estrada, ponte, uma no seluk tan.
Foin lalais ne'e sira hamutuk na'in 20, atu halo substituisaun ba sira seluk no sira mai ho materiál enjeñaria no sira nia konsentrasaun barak ne’e ba liu apoiu umanitária.
Hernâni hato'o lia hirak ne’e ba jornalista sira iha salaun MNEK Pantai Kelapa Dili, Segunda (24/04).
Nia dehan, Forsa sira ne’e mai tanba kooperasaun di'ak ho akordu estadu TL no estadu US.
Akordu ne'e asina iha Outubru 2002, kriatividade sira la'o iha ámbitu kooperasaun defeza militár no mós kobertura forsa agreement.
