Estrutura foun CDTL  Vice Prezidente I, Inocêncio de Araújo, Vise II, Filomeno Fernandes, Prezidente Asembleia Jerál, Aniceto Gouveia Berlelo, Vise Prezidente Asembleia, Macario Sanches,  Sekretáriu, Dirce Neves Fernandes, Prezidente Fiskál, Angelho Henrique, Vogais, Gabrile da Costa, Armindo da Costa, Prezidente Jurídiku, Cristóvão Pereira, Gregório Amaral Soares, Roki M. Nahak, Emílio Aparício Ximenes.

Afrânio hetan votus maioria hosi kongresista na’in 25 ne’ebé partisipa iha kongresu CDTL.

Nia promete sei servisu hamutuk ho ekipa tomak no Sekretáriu Estadu Juventude Desportu (SEJD).

“Ami nia federasaun sira fó konfiansa tomak iha ami nia pakote, ami sente orgullu boot tenke hamutuk hodi dezenvolve desportu ne’e ba oin,” dehan Afrânio ba jornalista iha Pantai Kelapa, Sesta (03/02),  

Prezidente eleitu promete sei hadi'a problema rekursu umanu iha federasaun nia laran para bele dezenvolve programa CDTL ho di’ak liután.

CDTL hanesan órgaun ou sumbrina ba Federasaun sira hotu leten to’o ba iha área rurál. Tanba ne’e sira halo esforsu tomak para prepara kondisaun di’ak para dezenvolve desportu iha nasaun ida ne’e.

“Knaar ne’e ami simu hanesan todan ida mai ami estrutura, agora ami sei forma tan estrutura ida hodi nune’e ami bele halo servisu hamutuk, atu garante programa CDTL tenke ho di’ak,” tenik nia.

Problema sira ne’ebé federasaun sira hasoru labele rezolve 100%, mais koko atu rezolve mais ou menus sufisiente.

Entretantu Eis Prezidente CDTL, Eugénio Trindade  dehan, maiske lakon, maibé nia parte prontu servisu hamutuk nafatin.

“Haree ba prezidente ne’ebé eleitu ne’e mós la’ós ema foun, maibé uluk nia ha’u nia vise, ha’u hanoin katak, ba oin nia mós sei hala’o desportu di’ak liu tan, tanba ita haree nia la’ós teoria, maibé nia ne’e ema pratika,” dehan nia.

Nia dehan, desportu la’ós hala’o teoria mak barak, maibé tenke halo pratika mak barak. Tanba hakarak atu hetan prestasaun di’ak ba oin.