“Eleisaun Antesipada ne’e lori triste ba ita hotu, tanba ita sei lakon osan no lakon tempu”, dehan Assanami.

Prosesu sira ne’e akontese tanba partidu polítiku sira la konsege jere demokrasia no multipartidária.

Tanba ne’e, lejitimidade ne'ebé povu fó ba lider partidu sira liu husi eleisaun la konsege jere diferensa ideia sira ne’e, di'ak liu fó ba povu mak deside dala ida tan, tanba ukun ne’e povu nian sira mak fó ba lider sira.

Assanami enkoraja povu tomak atu labele pesimista ho situasaun sira ne’e, ba povu tomak tenke hamriik hodi deside tan futuru nasaun nian.