DILI; Prezidente Partidu Libertasaun Popular (PLP), Taur Matan Ruak konvesa katak ukun an ne’e hetan ho ruin no raan. Tanba ne’e laiha ema ruma atu hakarak nasaun nia aat.
"Ukun An ne’e hetan ho ruin no ran, tan ne’e laiha ema ruma iha Timor atu hakarak nasaun nia at, rezultadu saida deit maka Povo fó, se deit inklui Partidu Libertasaun Popular tenki simu,”dehan
Prezidente PLP Taur hafoin ezerse nia direitu votu, iha Sentru Votasaun Eskola Primária, Aldeia 17 de Abril, Suku Metiaut, Postu Administrativu Cristo Rei, Munísipiu Díli.
Eis Presidente Repúblika ne’e dehan rejultadu saida de’it mak povu fó, partido hot-hotu tenki simu inklu partido ne’ebé nia lidera.
Taur akompañadu husi nia espoza Sra, Isabel da Costa Ferreira partisipa iha Eleisaun Parlamentar, ne’ebé hala’o iha Sentru Votasaun Eskola Primária, Aldeia 17 de Abril, Suku Metiaut, Postu Administrativu Cristo Rei, Munísipiu Díli.
Eis Gerileiru ne’e, deklara ninia involvimentu iha vida politika hafoin nia mandatu remata nu’udar Presidente Repúblika iha loron 20 fulan-Maiu tinan ne’e.
Iha nia deklarasaun durante kampaña partido politiku, katak nia la deside ba partido FRETILIN ho CNRT tanba nia haree balun ukun lalos ona. Tanba ne’e husi nia forma partido atu fó fali povu nia direitu ba moris di’ak.
