Tuir Presidente Partidu Demokratiku, Mariano ASSANAMI Sabino hatete, Partidu Demokratiku hanesan partidu kontinuadór, partidu jerasaun foun ne’ebé mak moris kedas iha inisiu nasaun ne’e hetan idependénsia tanba ne’e garantia nafatin katak sei hetan asentu iha Parlamentu Nasional.

“Iha eleisaun mak ha’u halo analiza atu hetan pursentu hira iha parlamentu nasional maibe agora dadaun hau lakoi atu halo predisaun husik entrega ba ba inan aman sira atu bele deside ita hein deit nia rejultadu” dehan Assanami iha sentru votasaun Bairo-Pite ohin.

Iha periode kampaña eleitoral Partidu Demoratiku hato’o ona nia komprimisu politiku ba eleitor tomak konba vizaun no misaun partidu nian atu ukun iha tinan lima nia lara.

“Ami iha partidu demokratiku ami prontu ukun tanba hatene ona ukun saida mak di'ak liu ba povu tomak ami iha ona esperensia ukun iha tinan sanulu nia laran” dehan ASSANAMI.

PD mos sei prontu rejultadu saida de'it tuir povu nia desizaun no kontinua apoiu partido eleitu ba ukun.