“Comisaun Nasional Eleisaun CNE no STAE  tenke esforsu makás liu husi teknolojia moderna sira ne’ebé uza oinsa atu bele garantia transparansia ida ba Timoroan sira hotu tuir progresu eleisaun ne’ebé di’ak atu nune’e povu hotu bele satisfas ho rejultadu eleisaun,”dehan Don, Virgilio hafoin tuir votasaun iha sentru votasaun Suku Bidau Lesidere ohin.

Tuir nia, festa demokrasia ne’ebé Timor-Leste halo kada periode tinan lima sempre iha progresu tanba povu sempre aprende, observa no halo evaluasaun hodi hadia nafatin pasadu sira ne’ebé deskonfia malu konaba violasaun eleitoral sira.

“Los duni ema barak ne’ebé iha hanoin la hanesan iha proesu eleitoral maibe atu labele hamosu duvidas ita tenke nakloke aan hodi servi tuir dalan ne’ebe mak los,” esplika Amu Bispu.

Tanba ne’e, atu garantia eleisaun ne’e ho susesu la’os orgaun regulardor sira mesak nia responsabiliade maibé responsabilidade ne’e iha sidadaun hotu nia liman atu lori susesu mai hamutuk hodi dezenvolve nasaun ne’e ba oin.