Xanana hatete, atividade negosiasaun Fronteira Marítima entre Timor-Leste ho Austrália hakotu ona iha loron 6 Marsu 2018, iha Novaiorke. Prosesu hotu remata ona mundu hotu akompaña, tanba ne’e laiha buat ruma ne’ebé gabinete Fronteira Marítima nian taka ba públiku atu labele asesu informasaun ba prosesu ne’e.

“Relatóriu hotu-hotu ami entrega ona ba Governu, sei mai aprezenta tanba ne’e ha’u sei la mai halo aprezenta relatóriu iha Parlamentu Nasionál”, tenik nia, iha Uma Fukun PN, horisehik.

Prosesu sira ne’e gabinete Fronteira Marítima entrega ona ba governu atu aprezenta mai iha PN hodi tuir prosesu legál ne’ebé mak eziste la iha buat ruma ne’ebé atu taka.

Buat hotu transparénsia no kontabilidade públiku bele asesu laiha problema, tanba prosesu ne’e halo ba asuntu interese nasionál.