Tuir dadus ne’ebé Online Independente asesu, iha Domingu (20/03 tuku 12:10 Otl husi Diretór STAE munisipiu Vikeke, Honorio Kruz da Silva informa, rejultadu apuramentu provizoriu iha Munisipiu Vikeke kandidatu PR husi partidu FRETILIN númeru 6 manan ho votu 19,305.
“Ita iha vikeke kandidatu Lú Olo nia votu boot liu kandidatu forte sira seluk hanesan kandidatu Jose Ramos Horta, Lere Anan Timur, Armanda Berta no Mariano Assanami Sabino,” dehan Honorio iha WhatsApp, iha Domingu (20/03).
Kandidatu númeru 14, ne’ebé apoiu husi partidu CNRT Jose Ramos Horta okupa iha númenru daruk ho votu 9,575.
Kandidatu independente númeru 8, Lere Anan Timur okupa iha datoluk ho votus hamutuk 2,977.
Kandidatu númeru 9, husi partidu KHUNTO Armanda Berta dos Santos okupa iha da-haat ho votus 2,609 no kandidatu númeru 16, husi partidu PD Mariano Assanami Sabino Lopes okupa iha da-lima ho votus 1,842.
Kandidatu sira seluk ne’e okupa ho votus husi númeru 6 to’o iha 16 mak hanesan Martinho Gusmão ho votus 584, Hermes da Rosa Correia Barros ho votus 330, Anacleto Bento Ferreira ho votus 323, Antero Bendito da Silva ho votus 257, Isabel da Costa Ferreira 291, Costancio da Conceição Pinto ho votus 212, Maria Helena Lopes de Jesus Pires ho votus 182, Rogerio Tiago de Fátima Lobato ho votu 173, Felizberto Araújo Duarte ho votus 140, Virgilio da Silva Guterres ho votu 77 no Maria Angela Freitas da Silva ho votu 60
Tanba ne’e iha kasifikasaun votus nulu 789, votus reklamadu 3, bulletin votus Abandonadu 3 no votus Branku 225, votus rezeitadu 4, tanba total votus validu hamutuk rihun 38,863.
Tuir dadus elitor ne’ebé rejista iha STAE hamutuk rihun, 58.420, maibe iha elisaun votante hamutuk rihun 39.887 tuir elisaun Presidensial tinan 2022, kompostu husi Mane rihun 20.332 no Feto rihun 19,555.
Entretantu husi rejultadu provizoriu apuramentuhusi Munisipiu Vikeke dadaun ne’e ekipa Sekretariadu Tekniku Administrasaun Eleitoral (STAE), kontinua halo apuramentu, hafoin remata ekipa STAE ho CNE munisipiu Vikeke sei hetan eskonltu husi PNTL hodi tranposta material sensitive no laos sensitive mai CNE nasional hodi kontinua halo apuramentu nasional.
