Nia dehan, programa primadora (4), kompostu husi edukasaun, agrikultura, saude no mal-nutrisaun, maibé ida ne'e buat kiik, bainhira liu bareira sei defende iha debate, tanba tinan ruanulu governu troka malu ukun seidauk aposta setor hirak ne’e ho diak hodi tau iha fatin.

“Iha eleisaun parlamentar agora, povu tau fiar duni ba PUDD liu vareira, ita defende iha debate OJE iha parlamentu nasional, maibé iha partidu boot balun manan mak bolu ita ba ukun hamutuk ita sei implementa aposta programa ida ne'e ho diak atu povu bele hetan benefisiu,” dehan Alexo, iha Munisipiu Vikeke, Sábadu (22/4).

Tanba ne’e, partidu politiku hotu iha programa prioridade bainhira hetan konfiansa husi povu ba ukun mak sira sei hadia dezomvolvimentu ba povu no nasaun Timor-Leste.

Nia afirma, durante ne’e governu rasik kria kondisaun ba timor oan sira liu bolus estudu haruka ba estuda iha estrajeiru, remata tiha eskola fila mai Timor-Leste la iha kampu servisu ba munisipiu sai karau atan.

“Hau hakarak fo ezemplu ida, joven barak liu bolus estadu governu gasta osan ba estuda iha nasaun estrajeiru ho lisensiatura S1 to’o S3, barak remata fila mai Timor laiha kampu servisu fila ba Munisipiu hein fali karau, hau husu joven sira aprende halo servisu iha ita nia rain rasik ho matenek ne’ebé ita aprende ona,” dehan nia.

Tanba ne’e joven  iha esperensia ba area espesialidade hanesan karpiteiru no pedreiru, peska, tanba ne’e  sidadaun sira ne’ebé halo negosiu kiik, bele fasilita sira halo kreditu osan  no kria kondisaun ba sira atu halo servisu hodi sustensa nesesidades.

Entretantu iha observasaun Jornal INDEPENDENTE iha komisiu elitoral partidu PUDD ba daruak iha estadiu Boromatan Munisipiu Vikeke hahu iha tuku 14:00 remata 16:00 ho diak, tanba observa direita husi orgaun eleital Komisaun Nasional Eleisaun no hetan seguransa masimu PNTL Vikeke ho F-FDTL husi komponente Terestres.

Defende Riku Soin Tasi

Presidente Partidu Unidade Dezemvolvimentu Demokratiku (PUDD), Silvestre Xavier “Sufa” hateten, eleisaun parlametar povu depozita konfiansa ba ukun hakarak defende dignidade ho Forsa ida kiik ho kualidade asegura seguransa hodi salva riku soin Timor-Leste iha Tasi.

Nia dehan, riku soin iha tasi barak mak peskador ilegal naok, depois importa fali ikan husi nasaun Indonézia tama iha Timor-leste, tanba kondisaun seguransa iha tasi governu la tau importante hodi salva no kria kondisaun ba peskador sira atu peska iha nia ikan husi ema husi nasaun seluk naok.

“Se ida ne’e labele akontese tan hau husu joven sira PUDD ne’e ita hotu nia hakarak salva ita nia dignidade riku soin iha tasi labele lakon mai ita kahe kabas ba malu sai ema ida hadia kondisaun ba forsa ho Polisia Maritima atu halo misaun iha tasi atu asegura seguransa ida diak atu ita timor oan rasik mak sai nain hanesan perkador iha ita nia tasi ema seluk labele mai naok,” Dehan Silvestre Iha Intervensaun Politika iha komisiu daruak PUDD iha Munisipiu Vikeke (22/04).

Nia afirma, PUDD harii husi jerasaun foin sae iha inovasaun foun, tanba ne’e joven sira presiza hamutuk atu kaderniza malu tau forsa hamutuk sai ema ida hatutan buat ne’e governu sira halo ona iha pasadu la diak jerasaun foun hakarak kontinua ho hanoin foun atu hadia povu no nasaun.

“Iha vikeke ita iha tasi ikan barak iha rasik laiha kondisaun atu peska, maibé ema nasaun seluk ho ekipamentu modernu tama ilegal naok ikan ba nasaun seluk, ita importa fali ikan husi nasaun indonzia tama iha Timor-Leste se ita hakarak hadia mak joven tenki hamutuk luta ba ita dignidade labele husik ema atu naok ita nia ikan kada tinan ho billaun,” hakotu nia

Iha fatin hanesan Sekretariu Jeral Partidu Unidade Dezemvolvimentu Demokratiku (PUDD) Aleixo de Carvalho Ximenes Monteiro fundamenta, Timor-Leste la presiza Forsa boot, maibé militar ne’e kiik tenki kualidade no professional atu segura seguransa iha Tasi mane.

Nia dehan, Tasi mane iha potensia riku soin boot hanesan ikan bele fo reseita ba estadu maibé kondisaun ro Barikasa la diak difisil ba Forsa atu halo misaun kontrola peska ilegal, tanba ne’e PUDD liu vareira pronto servisu hamutuk ho governu.

“Se Ita la tau importante ba seguransa iha tasi mane, kada tinan uza deit ro halo patroillamentu Iha Tasi liu husi Jaco ida ne’e difisil, tanba peskador ilegal sira kontinua naok ikan Iha Tasi mane ho billaun,” dehan nia.

Tanba ne'e iha eleisaun parlamentar ida ne’e, povu fo konfiansa PUDD liu bareira prontu servisu ho partidu boot kria kondisaun ba Forsa martima ro barko ho mini paragata ida, kondisaun diak bele kontrola riku Iha soin Tasi mane.

Nia afirma ro rua ne'ebe governu sosa anterior sosa ho osan estadu, labele kontrola Tasi mane, tanba laloran boot tama iha Jaco ro nia bintuina bele rahun hotu, tasi mane kontinua livre labele kontrola ho diak kada tinan ikan peskador ilegal kontinua naok.

“Se ita liu bareira iha eleisaun parlamentra mak ita-nia paritdu boot sira ukun bolu ita ba hamutuk apoiu malu tau programa prioridade kria kondisaun ba forsa area ho aviaun helikoptru ida diak no Polisia Maritima ho Naval presiza ro ida kualidade halo patroillamentu iha tasi mane asegura riku soin peskador ilegal labele naok,” afirma nia.

Alende ne’e iha parte seguransa PNTL, durante ne’e koloka iha Fronteira, Atauro no Lautem ho Vikeke kondisaun no fasilidade la iha susar atu kontrolu siguransa iha area kosteira, aktividade ilisitur ho peska ilegal kontinua akontese.

“Kombate ilegais no asegura seguransa ho diak ba sidadaun hotu bele movimentu livre se ita liu vareira tenki kria duni kondisaun ba PNTL ho dignuno ben estar sira hodi halo misaun ho diak,”hatutan.

Nia dehan, durante ne’e estadu ejije PNTL tenki profisional halo misaun iha fronteira, maibé sira nia ben estar la diak halo servisu integradu menus rekursu, sidadaun barak la kontribui selu taxa ba estadu ilegal kontinua akontese.

“Ita la hadia mak sidadaun sira sei uza osan halo subornu ba PNTL ho osan boot fo livre ba aktvidade ilegal buras iha fronteira sei la kontribui selu taxa ba estadu dezmvolvimentu sei patina iha fatin povu sei terus hetok nafatin,” tenik nia.

Entretantu iha observasaun Jornal INDEPENDENTE iha komisiu elitoral partidu PUDD ba daruak iha estadiu Boromatan Munisipiu Vikeke hahu iha tuku 14:00 remata 16:00 ho diak, tanba observa direita husi orgaun eleital Komisaun Nasional Eleisaun no hetan seguransa masimu PNTL Vikeke ho F-FDTL husi komponente Terestres.

Dezenvolve Hahú Husi Baze

Kampaña Aberta daruak, Partidu Unidade Dezemvolvimentu Demokratiku (PUDD), iha kampu Futebol Beloi, Munisipiu Vikeke, PUDD promete, ba povu bainhira hetan fiar husi povu reprezenta iha Parlamentu nasional ho governu hakarak Dezemvolvimentu hahu iha baze laos konsentra iha nasional.

Presidente PUDD Silvestre Xavier “Sufa hateten, partidu PUDD lideransa foin-sa’e ho vizaun foun papel importante halo dezemvolvimentu hahu husi baze mak to’o iha nasional, tanba ne’e povu barak moris ho vida agrikultura.

Nia dehan, tempu ona ba PUDD prepara aan hamutuk ho partidu boot ne’ebe ukun hadia vida povu no nasaun hahu husi baze, tanba dili ne’e sai fatin ba komersiu, presiza investte iha baze inan aman barak simpatia moris nuudar vida agrikultura.

“Kapital Dili ita hadia deit mak infraestrutura kria kondisaun, tanba fatin ne’e ba ema boot sira no sai sentru merkadu nasionál, tanba ne’e partidu boot se mak ukun bolu ita hamutuk maka ita hakarak tau atensaun makas atu investe dezemvolvimentu ne’e hau iha baze tanba povu maioria iha TL simpa ho vida agrikultura,” dehan Silvestre Iha Intervensaun Politika iha komisiu daruak PUDD iha Munisipiu Vikeke (22/04).

Tanba ne’e PUDD eziste ba ema hotu sei la iha kor ba sidadaun timoroan, tanba dezemvolvimentu ba rai iha ne’e presiza tau forsa hamutuk ho hanoin ida ba povu no nasaun atu labele sai bainaka iha ba rain rasik.

“Ita ukun aan fo espasu ba ema seluk mak kria merkadu lolos ne’e iha regra rigor ba ema estrajeiru evita hatama sasan protudu lokal ne’e mak ita bele halo atu ita rasik mak halo produsaun iha rai laran labele nasaun seluk labele hatama produtu lokal sira ita fo espasu loke merkadu hatama sasan ne’e ita la bele halo,” tenik nia.

Iha fatin hanesan Presidente Komisaun Nasional (PUDD), Alberto Araújo hateten, partidu PUDD, hetan fiar ba ukun sei diversifika ekonomia iha rai laran sei servisu parseira hamutuk ho setor Privadu hodi dezemvolve ekonomia iha Timor-Leste laos ukun atu  sai broker halo fali servisu setor privadu nia,  ida ne’e la diak.

“Ita lakohi hanesan governu sira ne’ebe liu servisu hamutuk ho setor privadu sira hetan hotu porsentu hira ho nune’e ita lakohi, hakarak nasaun ne’e moris fahe servisu ba timor oan hotu halo nia papel ida-idak tuir nia kompetensia no funsaun,” dehan nia.

Nia afirma, dezemvolve kooperativa iha Timor-Leste, sei tau mos prioridade ba ema ho difisiente sira atu hasae sira nia kapasidade hodi redus depedensia sasan husi nasaun estrajeiru tama Timor-Lestes.

Tanba ne’e timoroan barak tama iha LGVT, PUDD ukun sei tau prioridade ba sira atu dezemvolve programa koperativa ho sira no infraestrutura sira ba ema difisiente sira.

“PUDD promote sei servisu sei rekruta difisiente ho LGVT sira bele tama halo servisu administrasaun, tanba sira mos sidadaun timor oan sira nia inan aman mos luta ba nasaun Timor-Leste sira ema importa iha direitu hanesan ema hotu,” afirma nia.

Nia informa, Munisipiu Vikeke rai iha potensial tebes, maibé abandona tinan ruanulu, tempu ona atu aselera politika desentralizasaun poder lokal atu lori ukun ba povu atu dezemvolve infraestrutura hahu husi baze mak to’o nasional atu prepera simu dezemvolvimentu dada kadoras tama iha Beasu.

“Tanba PUDD ita iha rekursu preparadu hein 21 maiu povu mak sei deside liu vareira sei defende dezemvovlimentu husi baze, nune’e tinan lima ita labele moris nafatin iha rai rahun laran,” hakotu nia.

Entretantu iha observasaun Jornal INDEPENDENTE iha komisiu elitoral partidu PUDD ba daruak iha estadiu Boromatan Munisipiu Vikeke hahu iha tuku 14:00 remata 16:00 ho diak, tanba observa direita husi orgaun eleital Komisaun Nasional Eleisaun no hetan seguransa masimu PNTL Vikeke ho F-FDTL husi komponente Terestres.