Provizoriu, Lere Lidera iha Lautem, Horta Númeru 2, Lú Olo 3

Novembru 09, 2024

Politika

Provizoriu, Lere Lidera iha Lautem, Horta Númeru 2, Lú Olo 3

By Ekipa INDEPENDENTE Marsu 20, 2022 860

Kandidatu PR 2022-2027, Lere Anan Timur.

LAUTEM: Tuir dadus provizoriu ba eleisaun Prezidente Repúblika iha munisipiu Lautem hatudu kandidatu númeru 8, Lere Anan Timur, lidera hela ho númeru votus barak liu, kandidatu Horta okupa númeru daruak no Lú Olo númeru datoluk.

Tuir dadus ne’ebé jornalista INDEPENDENTE asesu, to’o iha 20 dader tuku 09.58, husi total votantes 29,614, kandidatu PR númeru 8 hetan votus 9,477.

Kandidatu PR númeru 14, José Ramos Horta okupa númeru daruak ho votus 7,049, Francisco Guterres Lú Olo iha pozisaun tolu ho votus 5,432, Mariano Assanami Sabino okupa númeru haat ho votus 4,657 no Armanda Berta dos Santos okupa númeru lima ho votus 1,341.

Entretantu, ba Kandidatu PR na’in 11 seluk hanesan Martinho Gusmão, Isabel Fereira, Anacleto Bento Ferreira, Milena Pires, Constancio Pinto, Rogerio Lobato, Virgilio Guterres, Felisberto Araujo Duarte, Antero Bendito, Hermes da Rosa no Angela Freitas, nia votus la to’o 300.

Kandidatu PR Martinho hetan votus 208, Isabel ho votus 191, Anacleto ho votus 101, Milena Pires ho votus 81, Constancio ho votus 81, Rogerio ho votus 74, Virgilio ho votus 50, Felisberto ho votus 50, Antero ho votus 41, Hermes ho votus 28 no Angela ho votus 13.

Entretantu, to’o notisia ne’e públlika prosesu apuramentu sei hala’o hela no seidauk iha rezultadu ofisial husi parte Sekretariu Estadu Administrasaun Eleitoral (STAE).

Rate this item

(0 votes)